درنو ملګرو تیر کال مې د مینې  په مجله کې دیوه

 

دوست، چې نوم یې راڅخه هیر ده، یو بیت  ولوست،چې

 

 ډېر په زړه پورې او ډېر ښایسته راته ښکاره شو. غواړم

 

هغه دلته تاسو ته ولیکم.

 

 

یار امریــــــــکا زه اوســــــــــــــــامه یم

 

 

 له خپل زړګي نه توره بوړه جوړومه

 

 

چې نســـــــیم یې د  دیار بوی په ما راوړي

 

 

سملاسې لکه غوټۍ په ســــــهار ګل شم

 

 

دا زما د یار د حســــــــــن پلوشـــــــې دي

 

 

چې خلوت کې له مړو شمعو سره بل شم

 

یوه عجیبه موضوع!

 

 

ژباړونکی: محمد بصیر سلیمانخېل

 

 

ښایې دا دې تاریخ درس وي، ښایې هم چې نه وي، خو تر اوسه پورې د تاریخ هېڅ ښوونکي

 

 دې موضوع ته پام نه دی کړي او که یې کړی هم وي، خو منطقي دلیل یې نه دی پیدا کړی. 

 

 په هر صورت، یو له تاریخي عجایبو څخه هم د امریکا د دوو پخوانیو ولسمشرانو

 

(ابراهام لینکولین او جان ایف کېنیډي) د ژوند او مرګ اړونده یو لړ ورته والي دي، چې د

 

 دغو دوو ولسمشرانو کارپوهانو او پلویانو سره راټول کړي دي.  ممکن هېڅ ځانګړې

 

 معنی اومفهوم ونه لري، خو لوستونکي باید دا ورته والی بې هېڅ هم ونه بولي او د دغو

 

 ورته والو د علت په لټه کې واوسي.  په هر حال، ددغو ورته والو لوستل بې ګټې هم نه

 

دي، راځئ چې ویې لولو:

 

۱- ابراهام لینکولین په کال ۱۸۴۶ کې کنګرې ته لاره ومونده او جان ایف کېنیډي په ۱۹۴۶!

 

۲- لینکولین په کال ۱۸۶۰ کې ولسمشر شو او کېنیډي په کال ۱۹۶۰!

 

۳- دواړو ولسمشرانو دمدني حقونو په اړه ځانګړی ټینګار درلود!

 

۴- دواړو ولسمشرانو له هغه وروسته چې سپینې ماڼۍ ته ننوتل، خپل زامن له لاسه

 

ورکړل!

 

۵- دواړه ولسمشران  د جمعې مبارکې په ورځ ووژل شول! اوهغه هم دواړه په ډزو چې

 

ګولۍ یې پر سر باندې لګیدلې وي!

 

۶- د لینکولین منشي کېنیډي نومیده او د کېنیډي منشي لینکولین نومیده!

 

۷- دواړه ولسمشران د سویلي امریکا د اوسیدونکو له خوا ووژل شول او د دواړو د ځای

 

ناستو نوم جانسون و!

 

۸- انډرو جانسون چې د لینکولین ځای ناستی و، په کال ۱۸۰۸ کې نړۍ ته راغلی و او

 

 لینډون جانسون چې د  کېنیډي ځای ناستی و په کال ۱۹۰۸ کې نړۍ ته راغلی و!

 

۹-  جان ویلکس بوث کوم چې لینکولین یې وواژه په کال ۱۸۳۹ کې نړۍ ته راغلی و او

 

 لي هاروي اوسوالډ کوم چې د کېنیډي ژوند ته یې د پای ټکی کېښود، په کال ۱۹۰۸ کې

 

نړۍ ته راغلی و!

 

۱۰- دواړو وژونکو دری برخه ایزنومونه درلودل او هر یوه  نوم ۱۵ توري درلودل!

 

۱۱- لینکولین د فورډ په نوم په یوه تیاتر کې ووژل شو او کېنیډي د لینکولین په نوم یوه

 

ګاډي کې چې په فورډ کمپنۍ کې جوړ شوی و، ووژل شو!

 

۱۲- لینکولین په یوه تیاتر کې ووژل شو او وژونکی یې وروسته له تېښتې، خپل ځان په

 

 یوه ګدام کې پټ کړ.  خو په کېنیډي باندې له یوه ګدام څخه ډزې وشوي او وژونکی

 

 یې وروسته له تېښتې په یوه تیاتر کې پټ شو!

 

۱۳- بوث او اوسوالډ دواړه  مخکې له محاکمې نه ووژل شول!

 

۱۴-  او وروستی دا چې لینکولین د مرګ نه یوه اوونۍ مخکې دمیریلینډ  د موفرو په

 

 ښار کې اوسیده او کېنیډي خپل وروستی وخت د میریلین موفرو په نوم له یوه هنرمند

 

سره تیراوه!

 

د زنا خیالونه او دجنسي ګناهونو پایلې

 

 

جنسي ګناهونه د سړي جسم ککړوي او د الهي مقاصدو د تر سره کولو په

 

وړاندې دهغه وړتیا له منځه وړي. جنسي ګناه له دې کبله مستثنی ده چې، موږ

 

 هغه د خپل جسم پر وړاندې تر سره کوو.  زموږ جسم د الهي روح معبد ده، نو

 

کله چې موږ د جنسي ګناهونو لپاره له خپلو جسمونو څخه کار اخلو، نو د هغوئ

 

په پاکوالي باندې تیری کوو او هغه پاک معبد ورانوو. همداشان هغه کسان

 

 چې له هغو سره دغه ګناه تر سره کوو، هغوی هم ککړو. خپلو جسمونواو

 

خدای پاک(ج) ته د درناوي کمښت، له پروردګار عالم(ج) سره زموږ اړیکه له

 

 منځه وړي.

 

جنسي اړیکې خدایي روح غمګینه کوي. هره هغه ګناه چې تر سره کوو یې، د

 

 خدايي روح د غمګینتیا سبب ګرځي او زموږ په ژوند کې د سپیڅلې روح

 

لمبه مړه کوي. هر څومره چې مو دا لمبه مړه کوله، هغومره له نیکو او غوره

 

کارونو څخه واټن نیسو.

 

د جنسي اړیکو تر سره کول د انسان په ژوند کې د شر او شیطان لپاره یوه

 

کلکه کلاه جوړوي . کله چې موږ پرله پسې ګناهونه کوو، نو په خپل ژوند

 

 کې د شیطان لپاره کلکه کلا جوړوو. هرڅومره چې شهوت او هوس ته ځان

 

 ورکوو، هغومره د هغوۍ کنټرول پرموږ باندې ډېریږي، تر هغه ځایه چې موږ

 

به یو مخ  دخپل ځان بنده وګرځوي. نو په هغه صورت کې به دا کلا ډېره کلکه

 

 کلا وي، چې زموږ جسم، روح او روان به یې په ځان کې ایسار کړيوي. له

 

 نیکه مرغه، د اسلام مبارک دین د دغې کلکې کلا د ورانولو لپاره ډېرې

 

لارې چارې زموږ مخ ته یښې دي.

 

د جنسي اړیکو په تر سره کولو سره به په تاسو پورې تل د خپل مېړه یا ښځې

 

 او یا زامنو له لوري یو ډول نفرین وي.جنسي ګناه شیطان ته ددې امکان

 

 ورکوي، تر څو موږ او له موږ نه وروسته نسلونه په خپل نفر ین سره ذلیل

 

کړي. جنسي بې بند وباري، زنا، طلاق، د اولاد نه زېږول او نورې ستونزې

 

کولای شو، د جنسي اړیکو دګناهونو پایله وبولو.

 

جنسي ګناهونه شیطاني ارواح ته یو داسې ډګر جوړوي، ترڅو پر تاسې اغیزه

 

 وکړي. اسماني کتابونه د جنسي اړیکو او د هغوی حتمي پایلو ډېرې بېلګې

 

زموږ په اختیار کې راکوي چې، ددغو ګناهونو تر ټولو مشهوره یې، د داود

 

ګناه له بنت شیبا(دحضرت سلیمان مور) سره ده. له بنت شیبا سره دهغه زنا

 

او د هغې د مېړه وژنه په کورنۍ جګړې او د زوی په مړینې سره پای ته ورسیده

 

او دښمنانو ته یې د کفر ویلو لپاره ښه زمینه برابره کړه.

 

جنسي اړیکې روحي پریښانې له ځان سره لري. له ګناهونو نه د ډکو خوندونو

 

په تر سره کولو او د ښه او بد د تشخیص په خاطر له خپل وجدان څخه کار نه

 

اخیستنه، روحي پریښاني او وارخطايي له ځان سره لري. هرڅومره چې موږ د

 

ګناه او فساد په لټه کې واوسو، هغومره به مو وجدان زیانمن کېږي. یو زیانمن

 

شوی وجدان ددې باعث ګرځي چې، نور هم د شیطاني درواغو په منځ کې

 

 واوسو او په دې صورت کې له پاک الله(ج) څخه زموږ لریوالی رامنځ ته

 

کېږي . بیا دا مسئله هغه ځای ته رسیږي چې، موږ خپل کارونه هېڅ ګناه نه

 

بولو او د د توبې ایستلو او د ځان داصلاح لپاره زموږ وړتیا کمېږي.

 

جنسي اړیکې احساسي پريښاني له ځان سره لري. جنسي اړیکه، له جنسي

 

شریک سره احساسي ژمنتیا او تړاو رامنځته کوي. ددغو ژمنو قدرت د

 

اړیکو د ډول له مخې بېلابېل وي. خو خدای پاک دغه تړاو او جنسي ژمنتیا

 

 دمېړه او ښځو لپاره رامنځته کړې ده. که چیرې دغه ژمنتیا او تړاو له خپل

 

مېړه/ښځې څخه پرته له بل چا سره تر سره شي، نو احساسي وارخطاوالی

 

او پریښاني به له ځانه سره ولري. دغه پریښاني یا وارخطاوالی په بېلابېلو

 

 ډولونو سره رامنځته کېږي، چې دلته یې یولړ ډولونو ته اشاره کوو:

 

د پخوانیو جنسي اړیکومکرر یادونه او افکار .

 

له خپل مېړه/ښځې سره د احساسي صمیمیت په ټینګولو کې بې وزلي.

 

دهغو کسانو پر وړاندې پیښماني او بده یادونه کوم چې په پخوانیو اړیکو

 

کې یې کس ته تاوان پیښ کړی وي.

 

په جنسي اړیکو کې له پخوانیو کسانو سره د خپل مېړه/ ښځې پرتله کول.

 

له ریښتینې مینې څخه د اشتباه درک کول.

 

د ریښتینې مینې او صمیمیت د پیدا کولو په هلو ځلو کې، جنسي بې

 

بندوباري او بې قیدي.

 

د احساسي وارخطاوالي خطر په هغه اندازه دی، چې کولای شي سړی له

 

 خپل مېړه/ښځې یا خدای پاک سره د صمیمیت له تجربې څخه بې برخې

 

کړي. همداشان جنسي اړیکې کولای شي چې د نفرین په څیر عمل وکړي او

 

 جنسي اخته والی او نور کشمکشونه له ځان سره ولري.

 

جنسي اړیکې تلپاتې یادونه پر ځای پرېږدي. د جنسي اړیکو یادونه دځانګړو

 

 هورمونونو په مرسته چې د جنسي تحریکاتو په مهال تولیدیږي، د سړي په

 

مغزو کې رامنځته کېږي.  شیطان له دغو یادونو څخه د سړي دمحکومولو

 

 او د شهوت په اسارت کې د ساتلو لپاره کار اخلي. دغه یادونه بیا ښایي له

 

 میړه/ښځې سره د کس په جنسي اړیکو کې ستونزې راولاړې کړي. دلته یې

 

 ځینې بېلګې شته:

 

له مېړه/ښځې سره د کس جنسي تجربې د پخوانیو جنسي اړیکو له یادونو

 

او افکارو او یا هغو مستهجنو انځورونو سره کوم چې دې کس لیدلي

 

 دي، خرابیږي.

 

له پخوانیو جنسي شریکانو څخه به بت جوړ کړي- په تیره بیا کله چې په

 

خپله کوروالي کې له کومې ستونزې سره مخامخ کېږي.

 

د خپل مېړه/ښځې له جنسي عمل څخه به خوښ نه وي.

 

د هغه مغز به د ریښتینې مینې د ښودلو پرځای دخپلو شهواتو د ارضا‌ء

 

په موخه، جنسي اړیکو ته مخه کړي.

 

که چیرې مېړه یا ښځه د هغو کارونو د تر سرکولو لپاره، کوم چې ده په

 

پخوانیو جنسي اړیکو او یا هم په مستهجنو فلمونو کې لیدلي وي، راضي

 

 ونه اوسي، نو به قهرجن او په غصه شي.

 

خو که چیرې موږ خپل مبارک او سپیڅلي دین ته راوګرځو، نو دداشان

 

ناخوښو او پستو تجربو د له یاده وتلو لپاره به، زیاتې وړتیاووې تر لاسه

 

کړو او و به کولای شو چې، خپل فکر او روان پریمینځو او یو ځل بیا دژوند

 

 د چارو کنټرول په لاس کې واخلو.

 

جنسي اړیکې د حرامیانو د زېږېدنې سبب ګرځي. هغه ماشومان چې له دې

 

 لارې نړۍ ته راځي، په هغو کورونو کې به ژوند کوي چې، هېڅ مهربانه

 

مور او پلار سیوری به پر هغو نه وي.

 

جنسي اړیکې خلک په خطر ناکو او وژونکو ناروغیو باندې اخته کوي

 

چې، کولای شو له ایډز څخه نوم واخلو او دا پرته له مرګ نه بله چاره نه لري.

 

جنسي اړیکې، ازدواج او کورنۍ له منځه وړي. زیاتره وخت، زنا کول د

 

ازدواج او کورنۍ د له منځه تلو سبب ګرځي. کله چې د وفاداري زنځیر

 

 وشکیزي، نو مېړه او ښځه له احساسي، روحي او ان کله کله له جسمي

 

 ځورونو سره مخامخ کېږي. د دې درز د ډکولو لپاره، بنسټیزې درملنې ته

 

 اړتیا شته. هغه یادونه کوم چې د ازدواج د له منځه تلو په صورت کې

 

رامنځته کېږي، د عمر تر پایه له هغه سره پاته کېږي او کېدای شي، نور

 

 نسلونه هم تر اغیزې  لاندې ولري.  د شهوتي او مستهجنو فلمونو او

 

انځورونو لیدنه هم د ریښتینې زنا په څیر له ګناه او تاوان نه ډک کار دی

 

چې،  دا موضوع هم باید له پامه ونه غورځوو.

 

جنسي ګناه داخلاقي بې بندوباري او جنسي انحراف سبب کېدای شي.

 

جنسي ګناه زیاتره وخت د سړي په ذهن کې تر شهوت تیز اور رامنځته کوي.

 

 که چیرې پرله پسې هغه اور ته لمن ووهي، نو سړی به لا ډېر د فساد او

 

 تباهي ژورو کندو ته وروغورځوي.