په مذهب دمحبت سوم دنفرت له دينه اوړم

 
دليلی په ابى سترګو  بدګومانه يمه خدايه

تر ټوله معنی لرونکي کلیمه «موږ» ده... هغه تل وکاروه.

تر ټوله ژوره کلیمه «مېنه» ده... هغې ته درناوۍ وکړه.

تر ټولو جوړونکي کلیمه «صبر» ده... د لرلو لپاره یې دعا وکړه.

تر ټوله روښانه کلیمه«هیله» ده... ورته هیله من واوسه.

تر ټولو پیاوړي کلیمه «پوهه» ده... تل زده کړه وکړه.

تر ټولو کلکه کلیمه «منډه او هڅه» ده... تل یې ولره.

تر ټولو نرمه کلیمه «موسکا» ده... هغه تل په شونډو ولره.

تر ټولو اړینه کلیمه «پوهاوئ» ده... هغه را منځته کړه.

تر ټولو روغه کلیمه «روغتیا» ده... ارزښت ورته ورکړه.

یوه جنکۍ او یوه هلک چې پر یوه بل باندې مئینان وو او په خپل منځ کې سره غږیدل، جنکۍ له هلک څخه پوښتنه وکړه:

ولې در باندې ګرانه یمه؟ د څه لپاره راباندې مئین يي؟

 هلک وویل: په دلیل یې نه پوهیږم.... خو د زړه له کومې درته وایم چې راباندې ګرانه يي

 جنکۍ په ځواب کې ورته وویل: ته یې په دلیل نه پوهیږي، نو څنګه زه درباندې ګرانه یمه؟

څنګه ویلی شي، چې درباندې مئین یم؟

 هلک وویل: له زړه درته وایم چې پر دلیل یې نه پوهیږم، خو کولای شم چې درته په ثبوت یې ورسوم.

 جنکۍ وویل: زه په ثبات رسول څه کوم ماته یې دلیل ووایه. ګوره ګرانه! زما یو ملګری کولای سي چې ماته د هغه د مئیندا دلیل ووايي او ته وایي چي زه نه پوهیږم!!!

 هلک وویل: ښه سمه ده وایم!!!

په دې چې ښکلي يي

ښکلی او په زړه کښینستونکی غږ لري

تل راته اهمیت راکوي

مینه ناکه یي

د پام وړ يي

ستا د ټولو خویونو په خاطر

ستا د مهربانۍ په خاطر

اوس پوه شوي؟؟؟

 جنکۍ د هلک له ځوابونو ډېره خوشاله شوه او په کړس کړس یې ورته وخندل.

له بده مرغه څو ورځې وروسته جنکۍ د موټر د ټکر له کبله ټپي شوه او د کوما په حالت کې وه.

هلک چې خبر شو، نو پوښتنې ته ورغی او د هغې سر ته یې خپل لیک کېښود، چې په لیک کې داسې لیکل شوي وو:

که چیرې داسې وي چې مېنه په رښتیا هم تل باید یو دلیل ولري، لکه دا اوس، نو بیا ما ته ستا د مئیندو لپاره کوم دلیل نشته!

 ایا مینه دلیل غواړي؟

 یه!!! څرګنده ده چې دلیل نه غواړي!!! نو زه تر دې ګړۍ پورې هم لا پر تا مئین یم.

رښتینې مېنه هېڅکله نه مري، هغه چې له منځه ځي هغه هوس وي.

خامه او نیمګړې مېنه وايي: «را باندې ګرانه يي ځکه چې اړتیا درته لرم»

خو ریښتیني ا و پخه مېنه وايي: « اړتیا درته لرم، ځکه چې راباندې ګرانه يي.»

  درنو ملګرو مېنه د خدای ستر نعمت ده، که چیرې مېنه نه وای، نو دا جهان به هم نه وای لکه چې ستر عارف، رحمان بابا وايي:

دا جهان دی خدای له عشقه پیدا کړی--- دهمه واړه مخلوقاتو پلار دی دا

خو دا ټول په قسمت او ټنډې پورې اړه لري، چې څوک زموږ ژوند ته راځي او په څه ډول سره زموږ د زړه واک په لاس کې اخلي.

هغه کسان کوم چې د ګړۍ د عقربې په څیر لاسلیک کړي، هغوئ منطقي خلک وي.

هغه کسان کوم چې د ګړۍ د عقربې برعکس لاسلیک کړي، هغوئ له ښه ځنډ وروسته منطق مني او زیاتره غیرمنطقي خلک وي.


هغه کسان کوم چې په عمودي ډول باندې لاسلیک کړي، زیاتره یې په خپلو چارو کې سرسخت او پافشاره وي.

هغه کسان چې د افقي خطونو په څیر لاسلیک کوي، هغوئ منظم انسانان وي.


هغه کسان کوم چې په فشار سره لاسلیک کړي، هغوئ په وړکتوب کې ډېرې سختی کښلي وي.


هغه کسان چې خپل لاسلیک په پیچلي ډول سره کوي، هغوئ ډېر شکاک وي.


هغه کسان کوم چې په خپل لاسلیک کې د خپل ټبر نوم لیکي، هغوئ خپل ځانونه په خپل ټبر کې غوره بولي.


هغه کسان چې په خپل لاسلیک کې د خپلې کورنۍ نوم لیکي، هغوئ په خپله کورنۍ کې له ښه دریځه څخه برخمن وي.


هغه کسان چې په خپل لاسلیک کې خپل نوم لیکي او بیا پرې خطې باسي، هغوئ تر اوسه پورې خپل شخصیت نه دی پېژندلی.

ځار شم د ليډر تر کولمو خېټه يې د ښکلولو ده 

 چا مهار چا اوښ وخوړ، او ده واړه کاروان وخوړ

دوستانو دا پورتنی بیت، د کرزي د ناکامه حکومت د ځینو لیډرانو لپاره ډېر ښه صدق کوي، هیله من یم چې خوښ مو شي.

په تکليف کښې د يو دوست تکړه اواز

دى له ټولو خوږله واړو ښــکلى ســاز 

دامریکا د ولسمشرانو ژوند ته که څوک په ژوره سترګه سره وګوري، نو د هغوئ د ځانګړتیاوو او عادتونو داسې یو لړ عجیب او په زړه پورې ټکي سړي ته ورښکاره شي، چې هر انسان تفکر ته اړ باسي او د هغوئ د ژوند د لا څېړلو لپاره یې هڅوي.

د امریکا دره څلویښتم ولسمشر د خپل سیاسي ژوند وروستیو شیبو ته ور نږدې کېږي، دا په داسې حال کې ده چې، تاریخ دغو هر یوه ولسمشر ته د دوئ د واکمنۍ پر مهال یو لړ ځانګړنې پر ځای پرېیښي دي. د دغو ولسمشرانو له ډلې څخه یې ځینو تر ولسمشر کېدو مخکې له ټولنیز پلوه په ډېرو بې ارزښته کارونو کې مشغول وو او ځینې یې هم ستر ستر مجرمان وو.

د امریکا د ولسمشرانو یو لړ عجایب

څېړنو ښودلې ده چې، جیمز ماډیسون (۱۸۱۷-۱۸۰۶) پوره ۱۶۳ سانتي متره جګ او وزن یې ۴۵ کیلو ګرامه و، چې په دې سره نوموړی د امریکا تر ټولو ټیټ ونی سړی و؛ ابراهام لینکولن (۱۸۶۵-۱۸۶۱) د ۱۹۳ سانتي متره لوړ جګ په درلودلو سره تر ټولو جګ ولسمشر و؛ ویلیام ټافټ (۱۹۰۹-۱۹۱۳) د ۱۳۶ کیلو ګرامه وزن په درلودلو سره د امریکا تر ټولو مزی ولسمشر و؛ د امریکا څلویښتم ولسمشر، رونالډ ریګن په ۶۹ کلنۍ کې د امریکا ولسمشر وټاکل شو چې تر ټولو ولسمشرانو زوړ ولسمشر و خو جان ایف کینیډي په ۴۳ کلنۍ کې د امریکا ولسمشر شو چې د امریکا تر ټولو ځوان ولسمشر و، خو البته ټیوډور روزولټ چې لومړی د ویلیام مک کینلي (۱۹۰۱-۱۹۰۹) تر منځ د امریکا د ولسمشر مرستیال و د نوموړي له ترور څخه وروسته  روزولټ د هغه ځای ناستی شو، چې د خپلې ولسمشرۍ د پيلیدو په مهال ۴۲ کلن و او له دې کبله تر جان ایف کېنیډي د امریکا د ځوان ولسمشر په توګه مخته دی. 

د دنېا تورې لښکرې د عالم ډېرې خبرې

زړه مې نه خوځي له ځایه غر خو هسي وي که نه

ستر خوشال بابا